ເນື້ອເພງ ມ່ວນແທ້ບ້ານເຮົາ

ມ່ວນແທ້ບ້ານເຮົາ

ຢູ່ບ້ານເຮົາ ມ່ວນແທ້ລະນາ

ເຖິງແມ່ນເຮັດນາ ກິນປາກິນປົ່ນ

ແກງໜໍ່ສົ້ມ ໃສ່ກັບປາຄໍ່ທົ່ງ

ມີຄວາມສຸກເຫຼືອລົ້ນ ບ້ານເກີດເມືອງນອນ

ຢູ່ບ້ານເຮົາ ເຂົ້າຫອມປາໃໝ່

ປາຕ້ອນປາໄຊ ສັດໃນດົງປ່າ

ພັກເຕັມດ້າວ ທຳມະຊາດສ້າງມາ

ມີຜັກຫວານໜໍ່ຄ່າ ທັງໜໍ່ຈ້າໜໍ່ຫຼັ່ນ

*ບ້ານຂອງເຮົາ ພາສຸກໃຈຫຼາຍ

ຍາມເຂົ້າໃໝ່ ຫອມອາຍຫອມຫວນ

ມື້ປີໃໝ່ ໄປຫາຫົດສົງ

ເດືອນສິບເອັດນ້ຳລົງ ໄຫຼເຮືອໄຟມ່ວນຊື່ນ

ຊ່ວງເຮືອຍາວ ສຽງກອງຕຸ້ມເປິ້ງ

ຕຸ້ມເປິດເປິ້ງຕຸ້ມເປິດຕຸ້ມເປິ້ງ

ສຽງລຳເຊີ້ງ ຊີງສາບແຄນຍາວ

ມ່ວນຫຼາຍບ້ານເຮົາ ມ່ວນແທ້ມ່ວນວ່າ

ຢູ່ເທິງເຊີ້ງແຮ່ ເປັນແພຟ້ອນໄປ

ບໍ່ວ່ານ້ອຍວ່າໃຫ່ຍ ຊາວໜຸ່ມສູມສາວ

ຜູ້ເພີ່ນເຖົ້າຫົວຂາວ ກະແຮງຟ້ອນແຮງມ່ວນ

./.

- ບໍ່ຖືກທ່ອນໃດ ກໍ່ຂໍອະໄພມານະທີ່ນີ້ດ້ວຍ

-----------------------

ເພງ ມ່ວນແທ້ບ້ານເຮົາ

ເນື້ອເພງ ແມງຜູ່

ແມງຜູ່

**ຍາມເຊົ້າຕູ່ ແມງຜູ່ຈະບິນໄປໃສ

ຕາເວັນ ຍັງຢູ່ຫ່າງໄກ

ຍັງບໍ່ເຮືອງໃສ ດັ່ງໃຈໝາຍປອງ

ຫຼຽວແລມອງ ດອກໄມ້ໃບຂຽວ

ໜຽວໃຈໄຝ່ຝັນ ເຜີລຳພັນຄອຍຄ່ອຍ

ຫອມດອກໄມ້ ກິ່ນໂຫຍລົງມາ

ຕາເວັນຢ່າມົວ ຢ່າມົວອຽງອາຍ

ຂວັນໃຈ ຄອຍຄະນຶງນຳ

ສະເໜ່ເຄີຍລ້ຳຈະມາຫຼືໃດ

ຈະມາຫຼືໃດ ຈະມາຫຼືໃດ

./.

*ບໍ່ຖືກທ່ອນໃດ ກໍ່ຂໍອະໄພມານະທີ່ນີ້ດ້ວຍ
---------------------------

ເນື້ອເພງ ແມງຜູ່

ເນື້ອເພງ ຢູ່ໃສເດຈະເໝືອນບ້ານເຮົາ

ຢູ່ໃສເດຈະເໝືອນບ້ານເຮົາ

ສຽງດົນຕີ ມະໂຫລີບ້ານເຮົາ

ຂອງເດີມເກົ່າ ແຕ່ໂບຮານນະການ

ກ້ອງປະສານ ສຽງລະນາດຄ້ອງວົງ

ດັງກ້ອງສົ່ງ ສຽງຄຸ່ຍສຽງແຄນ (ດັງກ້ອງສົ່ງ ສຽງຄຸ່ຍສຽງແຄນ)

*ຟ້ອນລາວແພນ ແສນນິ້ມນວນງາມຕາ

ຟ້ອນຈຳປາ ເຈົ້າໂສພາສົດໃສ

ຢູ່ແດນໃດ ຫົວໃຈບໍ່ລືມ

ແສນຊາບຊຶ້ງ ດັ່ງສຽງກອງແມ່ເອີຍ (ແສນຊາບຊຶ້ງ ດັ່ງສຽງກອງແມ່ເອີຍ)

ຢູ່ໃສເດ ຈະເໝືອນບ້ານເຮົາ

ຢູ່ບ້ານເຮົາ ມີຄວາມຮັກໃຄ້

ສະໜຸກຫົວໃຈ ໃນຮອຍຍິ້ມໄມຕີ

ເມດຕາອາລີ ນ້ອງພີ່ລາວເອີຍ (ເມດຕາອາລີ ນ້ອງພີ່ລາວເອີຍ)

ຈະຢູ່ໃສ ຢູ່ໃກ້ຫຼືໄກ

ຢູ່ແດນໃດ ຍັງຄິດຮອດບ້ານເຮົາ

ສຽງແຄນຈ້າວ ລາວເອີຍກ້າວໄປ

ເຮົາຮ່ວມໃຈ ລາວເຂົ້າໜຽວສຽງແຄນ (ເຮົາຮ່ວມໃຈ ລາວເຂົ້າໜຽວສຽງແຄນ)

./.

-ບໍ່ຖືກທ່ອນໃດ ກໍ່ຂໍອະໄພມານະທີ່ນີ້ດ້ວຍ
------------------------------------------

ເພງ ຢູ່ໃສເດຈະເໝືອນບ້ານເຮົາ

ເນື້ອເພງ ບ້ານແມ່ເຮົາ - Our Mother's Land

ເພງ ບ້ານແມ່ເຮົາ

ປະເທດຊາດເອີຍ ແມ່ສຸດທີ່ຮັກນີ້ເອີຍ

ເຮົາຮັກເຈົ້າບໍ່ເຫີຍ ເຮົາບໍ່ໄລລະເລີຍ 

ຫ່າງເຈົ້າໄປໄກໄດ້ ເຮົາຮັກດັ່ງດວງໃຈ

ເຮົາແພງດັ່ງແກ້ວຕາ ເຮົາຂໍມອບຊີວາ

ໄວ້ຜືນແຜ່ນດິນແດນແຫ່ງນີ້ ດິນແມ່ແສນຮັ່ງມີ

ດິນແມ່ແສນສວຍງາມ ປູ່ຍ່າຕາຍາຍເຮົາສ້າງມາ

*ຢູ່ບ້ານແມ່ເຮົາ ກິນເຂົ້າໜຽວຈໍ້າປາແດກ ແຕ່ກໍ່ຍັງແຊບ

ແຕ່ກໍຍັງນົວ ດີກວ່າເປັນຂ້ອຍຊາດອື່ນເຂົາ

ຢູ່ບ້ານແມ່ເຮົາ ສະໜຸກສະໜານຫົວໃຈ

ໃຕ້ໃນລະບອບໃໝ່ ມີພັກນຳພາ

ປະຊາມີສິດເສລີ ເຮົາຍັງມີ

ມີນ້ອງມີພີ່ ລຸງປ້າອາວອາ

ສຸກທຸກຢູ່ໃດນັ້ນນາ ເຮົາຮ່ວມພາ

ຊ່ວຍເຫຼືອເກື້ອກູນ ຈະຢູ່ໃສໃສ

ຢູ່ປະເທດໃດ ຢູ່ໃກ້ຫຼືໄກ

ກໍ່ບໍ່ຄືບ້ານເຮົາ ພວກເຮົາຄົນລາວ

ພວກເຮົາລູກລາວ ພວກເຮົາເລືອດລາວ

ແມ່ຄືລາວຂອງພວກເຮົາ (ແມ່ນີ້ລາວຂອງພວກເຮົາ)

./.

-ບໍ່ຖືກທ່ອນໃດ ກໍ່ຂໍອະໄພມານະທີ່ນີ້ດ້ວຍ

-------------------------------------------------------

ເພງ ບ້ານແມ່ເຮົາ Our Mother's Land